‘बिग बॉस मराठी’च्या दुसऱ्या पर्वाची अधिकृत घोषणा झाल्यानंतर आता या शोमध्ये कोणते कलाकार सहभागी होणार याची चर्चा रंगली आहे. लवकरच या कलाकारांच्या नावांची घोषणा होणार असं ट्विट करून कलर्स वाहिनीनं कळवलं होतं. परंतु, आता नव्यानं ट्विट करत या कलाकारांची नावं प्रेक्षकांना ओळखायला सांगितली आहेत.
‘खूप चर्चा रंगली… आता अनाऊन्समेंटची वेळ झाली कारण तो परत येतोय. भेटूया उद्या सकाळी ८ वा.’ असं ट्विट करण्यात आल्यानं चाहत्यांमध्ये उत्सुकता होती. सोमवारी सकाळी सहभागी कलाकारांची नावं कळणार या प्रतिक्षेत असलेल्या प्रेक्षकांना एक कोडं घालण्यात आलं. ‘स्पर्धकांचं पहिलं अक्षर आम्ही दिलं… आता तुम्ही चालवा डोकं आणि सांगा कोणाची आहेत ही नावं? येऊद्या comments.’ असं ट्विट करण्यात आलं.