आयफोनचा एक्सआर फोन खरेदी करण्याची एक चांगली संधी आहे. कंपनीने या फोनच्या किंमतीत ६ हजार ४०० रुपयांची कपात केली आहे. ७६ हजार ९०० रुपये किंमतीचा हा फोन आता ७० हजार ५०० रुपयांना मिळत आहे.
महेश टेलिकॉमने दिलेल्या माहितीनुसार, आयफोनच्या या मोबाइलच्या किंमतीत ६ हजार ४०० रुपयांची कपात करण्यात आली आहे. परंतु, अॅपल कंपनीने याची अधिकृतपणे कोणतीही घोषणा केलेले नाही. आयफोनचा १२८ जीबीचा हा फोन महेश टेलिकॉमवर ७५ हजार ५०० रुपयांना मिळत आहे. तर २५६ जीबीचा फोन ८५ हजार ९०० रुपयांना विकला जात आहे. महेश टेलिकॉमने ट्विट करून यासंदर्भात माहिती दिली आहे. आयफोन एक्सआरच्या नव्या स्टॉकवर स्वस्तातील फोन मिळणार आहे. फ्लिपकार्ट आणि अॅमेझॉनवर आयफोन एक्सआर हा जुन्या किंमतीत विकला जात आहे.
iPhone XR ची वैशिष्ट्ये
>> ६.१ इंचाचा एलसीडी डिस्प्ले, रिझॉल्यूशन (१२९२X८२८)
>> १२ मेगापिक्सलचा सिंगल रिअर कॅमेरा
>> स्मार्ट एचडीआर, डेप्थ कंट्रोल, पोर्ट्रेट मोड फीचर्स
>> आयफोन एक्सआर ६४ जीबी, २५६ जीबी, ५१२ इनबिल्ट स्टोरेज
>> ड्युअल सिम आणि ब्लूटूथ ५.० फीचर्स
>> ६४ जीबी, १२८ जीबी आणि २५६ जीबीचा पर्याय
>> पांढरा, काळा, पिवळा, लाल, कोरल या रंगात उपलब्ध