मटार कटलेट

आधी एका भांड्यात वाफवलेले मटार स्मॅश करून घ्यावेत. मग त्यात आलं, लसूण, कोथिंबीर, मिरची याची पेस्ट करून घालावी. सोबतच बटाटा, जाडे पोहे, कोथिंबीर, तीळ, हळद, तांदळाचं पीठ, बेसन, चवीनुसार मीठ,‌ थोडा हिंग घालून ‌हे मिश्रण एकजीव करावेत. मग कढईत थोडंसं तेल गरम करून हिंग, जिरं मोहरी आणि कढीपत्त्याची फोडणी करावी. ही भांड्यातल्या मिश्रणात घालून ते पुन्हा एकजीव करावं. थोड्या वेळाने मिश्रण थंड झाल्यावर कटलेटच्या साच्यात घालून किंवा हाताने त्याचे छानसे कटलेट बनवावेत. आवडीनुसार कढईत तेलात तळून घ्यावेत किंवा शॅलो फ्राय करावेत. गरमागरम कटलेट सॉस किंवा चटणीसोबत खायला द्यावेत.