व्होडाफोनने प्रीपेड ग्राहकांसाठी नवीन प्लान आणला आहे. व्होडाफोन११९ रुपयांमध्ये ग्राहकांना फ्री कॉलिंग आणि एक जीबी डेटा प्रतिदिवस देणार आहे. या प्लानची वैधता २८ दिवसांसाठी असणार आहे.
या ११९ रुपयांच्या प्लानमध्ये ग्राहकांना मोफत एसएमएसची सुविधा नसणार. मोबाइल इंटरनेट आणि व्हाइस कॉलिंगचा अधिक वापर करणाऱ्या ग्राहकांना हा प्लान फायद्याचा ठरणार आहे. सध्या हा प्लान काही मोजक्याच सर्कलमध्ये उपलब्ध असणार आहे. या प्लानसारखाच दुसरा प्लान १६९ रुपयांचा असून यात ग्राहकांना प्रतिदिवस १०० एसएमएस मिळणार आहेत.
व्होडाफोनने नुकताच १६९९ रुपयांचा एक लाँग टर्म प्लान लाँच केला होता. या प्लानमध्ये ग्राहकांना अनलिमिटेड लोकल आणि नॅशनल कॉलिंग फ्री असणार आहे. त्याशिवाय ग्राहकांना प्रतिदिवस १०० एसएमएस आणि १ जीबी डेटा मिळणार आहे. फ्री डेटा संपल्यानंतर युजर्सना ५० पैसे प्रति एमबीच्या दराने अतिरिक्त डेटा मिळेल. या प्लानची वैधता ३६५ दिवस असणार आहे. त्याशिवाय ग्राहकांना ‘व्होडाफोन प्ले’ अॅपवरील कार्यक्रम, चित्रपट मोफत पाहता येणार आहेत. व्होडाफोनने हा प्लान जिओ आणि एअरटेलच्या लाँग टर्म प्लानला टक्कर देण्यासाठी लाँच केला आहे.