विरार पश्चिमेकडील ग्लोबल सिटी या निवासी वसाहतीतील एका इमारतीच्या ड्रेनेज चेंबरमध्ये मानवी मृतदेहाचे तुकडे आढळल्याची घटना मंगळवारी घडली. या प्रकरणी अर्नाळा सागरी पोलिसांनी हत्येचा गुन्हा दाखल करत तपासाला सुरुवात केली आहे.
विरार पश्चिमेला ग्लोबल सिटी नावाची विरार पश्चिमेकडील ग्लोबल सिटी या निवासी वसाहतीतील एका इमारतीच्या ड्रेनेज चेंबरमध्ये मानवी मृतदेहाचे तुकडे आढळल्याची घटना मंगळवारी घडली. या प्रकरणी अर्नाळा सागरी पोलिसांनी हत्येचा गुन्हा दाखल करत तपासाला सुरुवात केली आहे.
विरार पश्चिमेला ग्लोबल सिटी नावाची मोठी वसाहत आहे. येथे बचराज पॅरडाइज इमारतीच्या सी विंगच्या ड्रेनेज चेंबरमध्ये मृतदेहाचे छोटे छोटे अनेक तुकडे मंगळवारी दुपारी आढळून आले. या इमारतीमधील चेंबर चोकअप झाले तेव्हा रहिवाशांनी तक्रार केली. चेंबर उघडले असता हा प्रकार समोर आला. त्यानंतर तातडीने पोलिसांना कळविण्यात आले. एखाद्या फ्लॅटच्या टॉयलेटमधून मृतदेहाचे तुकडे टाकून फ्लश केले व ते तुकडे चेंबरमध्ये अडकले असावे. चेंबर चोकअप झाल्यामुळे दुर्गंधी येऊ लागल्यानंतर हा संपूर्ण प्रकार उघड झाल्याची माहिती पोलिसांनी दिली.
या इमारतीमध्ये दोन फ्लॅट बंद असून त्या बंद फ्लॅटमध्ये ही घटना घडली असावी, असा संशय व्यक्त करण्यात येत आहे. मृतदेहाचे तुकडे स्त्रीचे आहेत की पुरुषाचे, हे समजू शकलेले नाही, असे पोलिसांनी सांगितले. मंगळवारी सायंकाळी अप्पर पोलिस अधीक्षक, उपअधिक्षकांनी घटनास्थळी भेट दिली. रात्री अर्नाळा सागरी पोलिसात गुन्हा नोंदविण्याचे काम सुरू होते. तपासाला सुरुवात करण्यात आल्याचे उपअधीक्षक जयंत बजबळे यांनी सांगितले.