अमेरिकेचे राष्ट्राध्यक्ष ट्रम्प यांच्या सत्तास्थापनेला रविवारी दोन वर्षे पूर्ण झाल्यानंतर दुसऱ्या दिवशी सादर करण्यात आलेल्या एका अहवालात, ट्रम्प यांनी आतापर्यंत सुमारे ८,१५८ चुकीचे आणि दिशाभूल करणारे दावे केल्याचे सोमवारी उघड करण्यात आले.
पहिल्या वर्षी ट्रम्प यांनी दररोज सरासरी ५.९ टक्के चुकीची आणि दिशाभूल करणारे दावे केल्याचेही नमूद करण्यात आले आहे. तर, दुसऱ्या वर्षी त्यांच्या चुकीच्या वक्तव्यात वाढ झाली असून, ती दररोज १६.५ टक्के झाली, याचा अर्थ दुसऱ्या वर्षी त्यांच्या दिशाभूल करणाऱ्या वक्तव्यात तिपटीने वाढ झाली.
‘द फॅक्ट चेकर्स’या डेटाबेसच्या अहवालानुसार, अध्यक्षांनी उच्चारलेले प्रत्येक संशयित विधानाचे विश्लेषण, वर्गीकरण आणि त्यावर लक्ष ठेवण्यात येते. त्यानुसार अर्थात ‘द फॅक्ट चेकर्स’ च्या अहवालानुसार ट्रम्प यांनी या दोन वर्षांत ८,१५८ वेळा चुकीचे आणि दिशाभूल करणारी वक्तव्ये केल्याचे समोर आले आहे. ट्रम्प यांनी पहिल्या १०० दिवसांत केलेल्या ४९२ वक्तव्यांना कोणताही आधार नसल्याचे दिसून आले. या अहवालानुसार, अध्यक्षांनी दुसऱ्या वर्षीच्या कार्यकाळात सहा हजारांहून जास्त आश्चर्यकारक दावे केले आहेत.
ट्रम्प यांनी सर्वाधिक दिशाभूल करणारी वक्तव्ये स्थलांतरासंबंधी केले आहेत. या विषयी त्यांनी आतापर्यंत १,४३३ दावे केले आहेत.
अहवालामध्ये असे म्हटले आहे, की ट्रम्प विदेशनितीबाबत ९०० दावे केले आहेत. त्यानंतर व्यापार (८५४), अर्थव्यवस्था (७९०) आणि आणि नोकरीसंबंधी (७५५) दावे केले आहेत. याशिवाय इतर प्रकरणांत त्यांनी ८९९ वेळा दावे केले आहेत. ज्यात मीडिया आणि ट्रम्प यांचे शत्रू समजले जाणाऱ्या लोकांसंबंधी दिशाभूल करणाऱ्या वक्तव्यांचाही सहभाग आहे. अहवालानुसार ते केवळ ८२ दिवस अथवा सुमारे ११ टक्के वेळा ट्रम्प यांनी कोणताही दावा केला नाही. या काळात ते अधिक वेळ गोल्फ खेळण्यात व्यग्र होते.