भारतीय टेलिकॉम बाजारात २८९ रुपयांचा एक नवा प्रीपेड प्लान लाँच करण्यात आला आहे. हा प्लान एक ओपन मार्केट असून तो आंध्र प्रदेश, तेलंगण आणि चेन्नई सह दुसऱ्या राज्यासाठीही वैध ठरणार आहे. दिल्ली आणि इतर मेट्रो शहरांसाठी मात्र हा प्लान लागू होणार नाही.
एअरटेलचा २८९ रुपयांचा प्रीपेड प्लान हा ४८ दिवसांसाठी आहे. या प्लान अंतर्गत अनलिमिटेड कॉलिंग, १ जीबी फोरजी डेटा आणि १०० एसएमएस मिळणार आहे. वोडाफोनच्या २७९ रुपयांच्या प्लानमध्ये अनलिमिटेड कॉलिंगसह ४जी डेटा दिला जातो. या प्लानची वैधता ८४ दिवसांची आहे. एअरटेलच्या नव्या प्लानची टक्कर आयडियाच्या २९५ रुपयांच्या प्लानसोबतही असणार आहे. एअरटेलच्या नव्या २८९ रुपयांच्या प्लानमध्ये अनलिमिटेड लोकल, एसटीडी आणि रोमिंग कॉल्स, व्हाइस कॉलिंग मिळणार आहे. व्हाइस कॉलिंगसाठी कोणतीही मर्यादा नाही.
आयडियाच्या २९५ रुपयांच्या प्लानमध्ये अनलिमिटेड कॉलिंग (प्रतिदिन २५० मिनिट, आठवडाभर १ हजार मिनिट), ४ जी डेटा, रोज १०० एसएमएससह ४२ दिवसांची वैधता मिळते. तर जिओच्या २९९ रुपयांच्या प्लानमध्ये अनलिमिटेड कॉलिंग, एसएमएससह ३ जीबी डेटा दिला जातो. २८ दिवसांची वैधता दिली जाते.