नव्या वर्षाच्या सुरुवातीलाच स्मार्टफोनच्या किंमती कमी व्हायला सुरुवात झाली आहे. सर्वात आधी शाओमीने आपल्या स्मार्टफोनच्या किंमतीत कपात केल्यानंतर आता सॅमसंग कंपनीनेही आपल्या ४ स्मार्टफोनच्या किंमतीत कपात केली आहे. सॅमसंगने ‘सॅमसंग गॅलेक्सी नोट ८’ या स्मार्टफोनच्या किंमतीत तब्बल १३ हजार रुपयांची कपात करण्यात आली आहे. हा फोन आता ४२ हजार ९९० रुपयांना खरेदी करण्याची संधी आहे. गॅलेक्सी नोट ८ भारतात लाँच झाला त्यावेळी या फोनची किंमत ६७ हजार ९९० रुपये इतकी होती. याआधीही या फोनच्या किंमतीत १२ हजारांची कपात करण्यात आली होती. त्यामुळे आधीच्या १२ हजार आणि आताच्या १३ हजार रुपये अशा एकूण २५ हजार रुपयांनी गॅलेक्सी नोट ८ हा फोन स्वस्त झाला आहे. हा फोन तीन रंगात उपलब्ध आहे.
सॅमसंग गॅलेक्सी नोट ८ ची वैशिष्ट्ये
>> ड्युअल सिम कार्ड सपोर्ट, अँड्रॉयड ७.१.१ न्यूगट
>> ६.३ इंचाचा क्वाडएचडी प्लस सुपर एमोलेड डिस्प्ले
>> एक्नीनॉक्स ८८९५ प्रोसेसर
>> ६ जीबी रॅम आणि ६४ जीबी स्टोरेज, २५६ जीबीपर्यंत वाढवण्याची सुविधा
>> ड्युअल रिअर कॅमेरा. १२ मेगापिक्सल रिअर, ८ मेगापिक्सल फ्रंट कॅमेरा
>> ३३०० एमएएच क्षमतेची बॅटरी
>> व्हीओएलटीई, ड्युअल बँड, वायफाय ८०२.११ एसी, ब्लूटूथ ५.०, यूएसबी टाइप-सी
>> मिडनाइट ब्लॅक, मॅपल गोल्ड आणि ऑर्चिड ग्रे रंगात उपलब्ध