पंजाबच्या लव्हली प्रोफेशलन विद्यापीठ (एलपीयू) च्या एका विद्यार्थ्याने पहिली स्मार्टबस तयार केली आहे. ही बस सोलर पॉवर्ड असून या बसला चालकाची गरज नाही. विनाचालक ही बस धावणार प्रवाशांना घेवून धावणार आहे. ही बस नुकतीच १०६ व्या इंडियन सायन्स काँग्रेस (आयएससी) मध्ये प्रदर्शनात मांडण्यात आली होती. विशेष म्हणजे ही बस पूर्णपणे प्रदूषण फ्री असून या गाडीची किंमत केवळ सहा लाख रुपये इतकी आहे.
ही बस सौर उर्जेच्या मदतीने इलेक्ट्रिक मोटरवर चालणार आहे. ही बस सुरू असताना कोणतेही प्रदूषण होणार नाही. या बसमध्ये अनेक स्मार्ट फीचर्स बसवण्यात आले आहेत. ही गाडी ३० किलोमीटर प्रति तास वेगाने विना चालक धावू शकणार आहे. ही बस एकदा चार्ज झाल्यानंतर या बसमध्ये १० ते ३० प्रवासी जवळपास ७० किलोमीटरपर्यंत कोणत्याही अडचणीशिवाय प्रवास करू शकतील. या बसमध्ये जीपीएस आणि ब्लूटूथचा वापर करण्यात आला असून १० मीटर लांब अंतरावरून या बसवर नियंत्रण मिळवता येवू शकणार आहे