यांनी आज १०० रुपयांचं नवीन नाणं जारी केलं. माजी पंतप्रधान अटलबिहारी वाजपेयी यांच्या जयंतीच्या पार्श्वभूमीवर त्यांच्या स्मरणार्थ हे १०० रुपयांचं नाणं जारी करण्यात आलं. संसदेच्या अॅनेक्सी भवनात या नाण्याचं अनावरण करण्यात आलं. यावेळी माजी उपपंतप्रधान आणि भाजपचे ज्येष्ठ नेते लालकृष्ण अडवाणी आणि भाजपचे अध्यक्ष अमित शहा उपस्थित होते.
दोन-पाच वर्ष सत्तेपासून दूर राहिल्यानंतर काही जण अस्वस्थ होता. पण अटलबिहारी वाजपेयी तसे वागले नाहीत. त्यांनी विरोधी पक्षनेतेपदाची जबाबदारी आनंदाने स्वीकारली. तसंच जनसामान्यांचा आवज ते संसदेत मांडत राहिले, असं पंतप्रधान नरेंद्र मोदी यावेळी म्हणाले.
माजी पंतप्रधान अटलबिहारी वाजपेयी यांची उद्या जयंती आहे. सरकार वाजपेयींच्या वाढदिवसानिमित्त २५ डिसेंबर हा दिवस ‘सुशासन दिवस’ म्हणून साजरा करत होतं. यंदा वाजपेयींची ही पहिलीच जयंती आहे. गेल्या १६ ऑगस्टला वाजपेयींचं ९३व्या वर्षी निधन झालं.