ठाण्यात गुन्हा नोंदविण्यात आला आहे. यापैकी दोघांनी अटक करण्यात आली असून त्यांना न्यायालयाने २० डिसेंबरपर्यंत पोलिस कोठडी सुनावली.
पोलिसांकडून मिळालेल्या माहितीनुसार, कळंकी येथील ३१ वर्षीय महिला सात डिसेंबर रोजी सायंकाळी स्वयंपाक आटोपून जेवण झाल्यानंतर मुलांसह घरी असताना गावातील रामभाऊ लक्ष्मण शिंदे (रा. कळंकी, ता. कन्नड) हा तेथे आला. त्याच्या शेतातील घरात पूजा करायची असल्याने तेथे येण्यासाठी महिलेला गळ घातली. महिलेने नकार दिला असता मी वडिलासमान असल्याचे सांगून शेतात घेऊन गेला. शेतातील घरात गेले असता तेथे आधीच काही मांत्रिक बसलेले होते. कोळशाचे रिंगण केलेले होते. उदबत्ती, लिंबू, हळद, कुंकू, गुलाल आदी साहित्य होते. तेथे जाताच पैश्याचा पाऊस पाडायचा आहे, पूजेसाठी अंगावरील कपडे काढण्यास सांगितले. त्याला या महिलेने नकार दिला असता, कपडे फाडा, असे फर्मावण्यात आले. त्यामुळे उपस्थितांनी तिचे कपडे फाडण्याचा प्रयत्न करून विनयभंग केला. स्वत:चा बचाव करण्यासाठी महिलेने आरडाओरड केली,व तेथून कसाबसा पळ काढला. ही महिला दुसऱ्या दिवशी कन्नड पोलिसांत गुन्हा दाखल करण्यासाठी जात असतानाही संबंधितांनी तिला अटकाव केला, असे तक्रारीत म्हटले आहे.
दोघांना अटक, इतरांचा शोध सुरू
या महिलेच्या तक्रारीवरून त्यात रामभाऊ शिंदे (रा. कळंकी), नवनाथ आडे, चांगदेव जाधव, नामदेव मागू राठोड, ताराचंद, (सर्व रा. सीता नाईक तांडा) रेहमान (रा. मुंगसापूर ता. कन्नड) बन्सी आलू आडे (रा. बोलटेक), सोपान कचरू साळुंके (रा. कोळवाडी, ता. कन्नड) यासह चापानेर येथील एक व्यक्ती आणि इतर चार अनोळखी व्यक्ती, अशा तेरा जणांविरुद्ध गुन्हा दाखल करण्यात आला आहे. यापैकी नामदेव राठोड व रामभाऊ शिंदे या दोन अरोपीस अटक करण्यात आली. या सर्वांविरुद्ध कलम ३५४, ३४२, ३४ सह, अनिष्ट प्रथा प्रतिबंधक कायदा अंतर्गंत ३(१), (२), (३) गुन्हा दाखल करण्यात आला. या प्रकरणी पुढील तपास उपविभगीय पोलिस अधिकारी नीरज राजगुरू हे करीत आहेत.