दीपिका पदुकोण आणि रणवीर सिंग यांनी १ डिसेंबरला मुंबईत रिसेप्शन पार्टीचं आयोजन केलं होतं. या रिसेप्शन पार्टीला तारे तारकांसह अन्य क्षेत्रातील मान्यवर ही उपस्थित होते. मुकेश अंबानीही त्यांच्या पूर्ण कुटुंबासोबत दिपवीरच्या रिसेप्शन पार्टीत आले होते. रिसेप्शनला येणाऱ्या पाहुण्यांची एक झलक टिपण्यासाठी प्रसारमाध्यमांच्या प्रतिनिधींनी एकच गर्दी केली. प्रसारमाध्यमांसमोर अंबानी येताच एका फोटोग्राफरनं ‘सर, जिओ चल नही रहा’ असा खोचक प्रश्न अंबानी यांना विचारला आणि तिथं एकच हशा पिकला.
दीपवीरच्या रिसेप्शनसोहळ्यात बॉलिवूड कलाकार आणि दिग्गज व्यक्तींची एक झलक टिपण्यासाठी माध्यामांचे प्रतिनीधी तिथं हजर होते. कलाकार त्या फोटोग्राफरना पोझ देत होते. मुकेश अंबानी तिथे पोहचताच एका फोटोग्राफरनं सर जिओ चालत नाही अशी तक्रार त्यांच्याकडे केली. या अनपेक्षित प्रश्नानं गोंधळलेले मुकेश अंबानी काहीही उत्तर न देता तिथून काढता पाय घेतला. सध्या सोशल मीडियावर हा व्हिडिओ तुफान व्हायरल होत आहे.