अभिनेता अर्जुन कपूर आणि मलायका अरोरा यांच्या रिलेशनशीपच्या चर्चां अनेक दिवसांपासून रंगत आहे. बॉलिवूडमध्ये सध्या चर्चेत असलेल्या या जोडप्याने नवीन घर खरेदी केल्याची चर्चा जोरात सुरू आहे. अंधेरीतील लोखंडवाला कॉम्प्लेक्समधील सोसायटीत फ्लॅट घेतला असून यात दोघांचीही गुंतवणूक असल्याची माहिती सूत्रांनी दिली.
अर्जुन कपूर आणि मलायका अरोरा यांनी नवीन फ्लॅट खरेदी केल्यामुळे हे दोघे विवाहबंधनात अडकणार असल्याच्या चर्चांनी जोर धरला आहे. काहींच्या मते दोघेही लिव्ह इन रिलेशनशिपमध्ये राहू शकतात. सध्या अर्जुन-मलायकाने खरेदी केलेल्या घराचे इंटीरियरचे काम सुरु आहे. त्यामुळे नव्या घरात गृहप्रवेश कधी करणार याची उत्सुकता त्यांच्या चाहत्यांना लागली आहे. ‘कॉफी विथ करण’ या शोमध्ये करण जोहरनं विचारलेल्या प्रश्नांना उत्तर देताना ‘मी आता सिंगल नाही,’अर्जुन अशी कबुली दिली आहे. त्यामुळे हे दोघेही अधिकृतपणे आपले नाते जाहीर करतील अशी चर्चा आहे.