झटपट भूक भागवण्यासाठी सर्वांचा आवडता आणि हक्काचा वाटणारा पर्याय म्हणजे मॅगी. मॅगीच्या चाहत्यांसाठी एक आनंदाची बातमी आहे. आता तुम्ही मॅगीची १० रिकामी पाकिटं दुकानदाराला परत केलीत तर तुम्हाला मॅगीचा एक पुडा अगदी मोफत मिळणार आहे.
जगभरात प्लास्टिकमुळे वाढणाऱ्या प्रदुषणाचा धोका लक्षात घेत नेस्ले इंडियाने हे पाऊल उचलले आहे. त्यांनी मॅगी नूडल्ससाठी ही विशेष ‘रिर्टन स्कीम’ सुरू केली आहे. सध्या देहरादून आणि मसूरीमध्ये ही स्कीम सुरू असून इतर राज्यात लवकरच लागू करण्यात येणार आहे.
या अभियानामुळे प्रदूषणाला आळा बसण्यास हातभार लागणार असून व्यापाऱ्यांचाही फायदा होणार आहे. यामुळे नागरिकांमध्येही पर्यावरण संवर्धनाविषयी जागरूकता निर्माण होईल असा विश्वास नेस्ले इंडियानं व्यक्त केला आहे.