कोल्हापुरला रेल्वेने पाठविण्यात येत असलेली दुचाकी अज्ञात चोरट्याने पार्सल विभागातून चोरल्याची माहिती समोर आली आहे. या प्रकरणात रेल्वे सुरक्षा दलाकडे तक्रार देण्यात आली आहे.
या प्रकरणात रेल्वे सुरक्षा दलाचे पोलिस निरीक्षक अरविंद शर्मा यांनी दिलेल्या माहितीनुसार; औरंगाबाद रेल्वे स्टेशन येथे एक ग्राहकाने कोल्हापूर – धनबाद या रेल्वेने दुचाकी वाहन पाठविण्यासाठी बुकिंग केली होती. संबंधित ग्राहकाने आठ नोव्हेंबरला आणून बुकिंग कार्यालयात जमा केली. या ठिकाणी पार्सल विभागात आवश्यक सर्व कागदपत्रांची पूर्तता करून दुचाकी संबधित विभागाकडे जमा केली. वाहनाची तोडफोड होऊ नये त्यावर रॅपर लावले.
ही दुचाकी रेल्वे स्टेशन पार्सल विभागात लावली. ही गाडी दुसऱ्या दिवशी पाठविण्यात येणार असल्याने कर्मचाऱ्यांनी बुकिंग झालेल्या गाडीचा शोध घेतला असता, ती आढळून आली नाही. यामुळे पार्सल विभागाचे बुकिंग करणारे कर्मचारी महेश कुमार यांच्या फिर्यादीवरून रेल्वे सुरक्षा दलात तक्रार दाखल करण्यात आली आहे. याप्रकरणाचा तपास रेल्वे सुरक्षा दलाचे उपनिरिक्षकांकडून केला जात आहे.
………
मोटारसायकल पार्सल विभागातून चोरी गेल्याची तक्रार दाखल केल्यानंतर रेल्वे परिसरातील सीसीटीव्हीची पाहणी करण्यात आली. रेल्वे फलाटासह अन्य कॅमेऱ्याच्या नजरेतून ही दुचाकी अज्ञात चोरट्याने चोरल्याची माहिती समोर आली आहे.