लेखिका व निर्मात्या विनता नंदा यांनी आलोकनाथ यांच्यावर फेसबुक पोस्टच्या माध्यमातून रेप केल्याचा आरोप केला आहे. विनताच्या पोस्टनंतर सिने अॅण्ड आर्टिस्ट असोसिएशन अर्थात सीआयएनटीएए (सिंटा)ने आलोकनाथ यांना कारणे दाखवा नोटीस जारी केली आहे. या प्रकरणात आता टिव्हीवरील बिदाई मालिकेत आलोकनाथ यांच्या सूनेची भूमिका साकारणारी अभिनेत्री अशिता धवनने आलोकनाथ यांना पाठिंबा दिला आहे. एका वाहिनीसोबत बोलताना अशिता म्हणाली की, याप्रकरणी मी विनता यांना सपोर्ट नाही करणार. जर त्यांना यावर स्टॅण्ड घ्यायचा होता तर त्यांनी त्यावेळीच घ्यायला हवा होता. 20 वर्ष खूप मोठा काळ असतो. वीस वर्षात तर गुगलवरील बऱ्याच गोष्टी निघून जातात.
ती पुढे म्हणाली की, मला असे म्हणायचे नाही की त्या हे सगळे पब्लिसिटी करत आहेत. मात्र मला वाटते की असे आरोप करण्यात काहीही अर्थ नाही. एवढ्या मोठ्या कालावधीनंतर असे मुद्दे बाहेर आणल्यानंतर त्यावर कोणालाही काहीच बोलावसे वाटणार नाही. हा मुर्खपणा आहे.
अशिताच्या मते आलोकनाथ यांना वीस वर्षापूर्वीच बॅन करायला हवे होते. आता कोणाची इमेज खराब करून काय फायदा होणार आहे.