समलैंगिक संबंधांतील मित्राकडून सातत्याने होणाऱ्या शारीरिक सुखाच्या मागणीला कंटाळून एका युवकाने त्याच्या मित्रावर घरात जाऊन कोयत्याने वार केल्याची घटना शुक्रवार पेठेतील सुभाषनगरमध्ये घडली. या प्रकरणी पोलिसांनी एका युवकाला अटक केली आहे. बुधवारी सकाळी सहा वाजता ही धक्कादायक घटना घडली.
या प्रकरणी सुभाषनगरमधील व्यक्तीने खडक पोलिस ठाण्यात फिर्याद दिली असून, हल्ला करणाऱ्या य़ुवकावर गुन्हा दाखल करण्यात आला आहे. पोलिसांनी दिलेल्या माहितीनुसार, बुधवारी सकाळी सहाच्या सुमारास पीडित व्यक्ती त्यांच्या सुभाषनगर येथील घरी झोपेली होती. त्या वेळी आरोपीने या व्यक्तीच्या डोक्यावर आणि उजव्या खांद्यावर कोयत्याने वार केले. यात ते गंभीर जखमी झाले. फिर्यादी आणि आरोपी दोघेही समलैंगिक असून, गेल्या अडीच वर्षांपासून त्यांचे संबंध होते. मात्र, अलीकडे युवकाकडून त्यास प्रतिसाद दिला जात नव्हता.