दूरदर्शनवरील एका लाइव्ह शोमध्ये सुप्रसिद्ध सामाजिक कार्यकर्त्या आणि लेखिका, प्रा. रीता जतिंदर यांचे निधन झाले. लाइव्ह टीव्ही शोमधील मुलाखतीत त्या आपल्या जीवनप्रवासाची माहिती देत होत्या. रीता यांचे आकस्मिक निधन झाल्याने त्यांच्या परिवाराला, मित्रांना आणि त्यांच्या चाहत्यांना मोठा धक्का बसला आहे.
जम्मू-काश्मीरमध्ये सोमवारी दूरदर्शनवर सुरू असलेल्या ‘गुड मॉर्निंग जम्मू अँड काश्मीर’ या लाइव्ह कार्यक्रमामध्ये त्या सहभागी झाल्या होत्या. मुलाखत सुरू होती. यावेळी त्या टीव्ही अँकरने विचारलेल्या प्रश्नांना दिलखुलास उत्तरे देत होत्या व आपला जीवनप्रवास उलगडत होत्या. टीव्ही अँकरशी बोलत असताना त्यांचा आवाज बंद झाला. त्यांना अस्वस्थ वाटू लागले व त्या बेशुद्ध होऊन खुर्चीवरून खाली पडल्या. टीव्ही शोमध्ये असलेले दोन्ही टीव्ही अँकर यांना काहीच समजले नाही.
रीता जतिंदर अचानक खुर्चीवरून कोसळल्याने लाइव्ह कार्यक्रम मध्येच बंद करावा लागला. व त्यांना तात्काळ हॉस्पिटलमध्ये नेण्यात आले. परंतु, तोपर्यंत त्यांचे निधन झाले होते. डॉक्टारांनी त्यांना मृत घोषित केले. रीता यांच्या आकस्मिक निधनाने त्यांच्या परिवाराला, मित्रांना आणि त्यांच्या चाहत्यांना मोठा धक्का बसला आहे.