स्वाइन फ्लूमुळे पिंपरी-चिंचवडमध्ये गुरुवारी एकाच दिवशी दोघांचा मृत्यू झाला. ‘गेल्या पंधरवड्यात आठ जणांचा मृत्यू झाल्यामुळे नागरिकांनी योग्य खबरदारी घ्यावी,’ असे आवाहन महापालिका प्रशासनाने केले आहे.
चिखली येथील ४८ वर्षीय महिलेला स्वाइन फ्लूची लक्षणे आढळल्यावरून २७ ऑगस्टला एका खासगी रुग्णालयात उपचारासाठी दाखल करण्यात आले होते. त्रास वाढल्याने त्याच दिवशी महिलेला कृत्रिम श्‍वासोच्छ्वासावर ठेवण्यात आले. पंरतु, उपचारादरम्यान महिलेचा मृत्यू झाला. निगडी येथील ४१ वर्षीय रुग्णाला २८ ऑगस्टला खासगी रुग्णालयात दाखल करण्यात आले. परंतु, त्याचाही मृत्यू झाला. जानेवारी २०१८ ते आजपर्यंत शहरात नऊ जणांचा स्वाइन फ्लूने मृत्यू झाला आहे. सध्या १३ रुग्णांवर शहरातील विविध रुग्णालयांमध्ये उपचार चालू आहेत. ‘नागरिकींनी स्वाइन फ्लूची लक्षणे आढळताच तात्काळ उपचारासाठी रुग्णालयात भरती करावे. डॉक्टरांचा वेळीच सल्ला घ्यावा,’ असे आवाहन महापालिकेने केले आहे.