पालघर जिल्ह्यातील सफाळेजवळ आज, बुधवारी सकाळी राज्य परिवहन महामंडळाच्या बसला अपघात झाला असून, त्यात ११ प्रवासी जखमी झाले आहेत. जखमींना सरकारी रुग्णालयात दाखल करण्यात आले आहे.
टेंभी खोडावे-सफाळे एसटी बसला आज सकाळी आठच्या सुमारास मांजुर्ली येथे भीषण अपघात झाला. बसमधील अकरा प्रवासी जखमी झाले. त्यांना स्थानिकांच्या मदतीनं बाहेर काढण्यात आलं. त्यांना सफाळे येथील प्राथमिक आरोग्य केंद्रात दाखल करण्यात आले आहे.