अभिनेता संजय दत्त याच्या जीवनावर आधारित ‘संजू’ हा बहुचर्चित सिनेमा प्रदर्शनापूर्वीच लीक झाल्याची माहिती आहे. हा सिनेमा आज देशभरात प्रदर्शित झाला आहे. पण गुरुवारीच या सिनेमाची टोरेंट डाऊनलोड लिंक अनेक युजर्सनी शेअर केली.
सिनेमात संजय दत्तची भूमिका अभिनेता रणबीर कपूरने साकारली आहे. त्याचा डिट्टो संजूसारखा दिसणारा लुक आणि त्याचा अभिनय याची उत्सुकता असणारा प्रेक्षक हा चित्रपट सिनेमागृहात जाऊन पाहील. पण या सिनेमाची पायरसी झाली तर त्याचा मोठा फटका सिनेमाला बसणार आहे. काही युजर्सनी या सिनेमाची एचडी प्रिंट उपलब्ध असल्याचाही दावा केला आहे. यापूर्वी ‘रेस ३’, ‘उडता पंजाब’ सारखे सिनेमेही प्रदर्शनापूर्वीच लीक झाले होते.