आपल्यापैकी प्रत्येक जण पावसाची आतुरतेनं पावासाची वाट पाहत असतो. पहिल्या पावसात भिजायला कोणाला आवडत नाही. असंच काहीतरी चित्र बिग बॉसच्या घरात देखील पाहायला मिळालं. बिग बॉसच्या घरातील मंडळींनीही पहिल्या पावसाची मनोसोक्त मजा लुटली. गार्डन एरियामध्ये सई, पुष्कर, मेघा गप्पा मारत असताना अचानक पावसाच्या सरी कोसळण्यास सुरूवात झाली. अन् हा पाऊस पाहून सईला पावसात भिजण्याचा मोह आवरता आला नाही.
सईला भिजताना पाहून मेघा देखील पावसात भिजायला आली. तिनं थेट स्विमिंग पूलमध्येच उतरत पावसाची मजा घ्यायची ठरवलं. त्यानंतर पुष्कर, भूषण, शर्मिष्ठा आणि स्मितानं देखील स्विमिंग पूलमध्ये उडी मारत पावसाचा आनंद लुटला. सर्व जण खूप खूष दिसून आले. बिग बॉसच्या घरातील कट्टर विरोधी असलेल्या सई आणि रेशम या दोघीही एकत्र आनंदानं नाचताना दिसून आल्या.
पावासात भिजल्यानंतरचा अनुभव, ती मजा सईनं बिग बॉसच्या घरातील कॅमेरांसमोर शेअर केली. घरातील सर्वच मंडळी पहिल्या पावसात रिफ्रेश झाल्याचं पाहायला मिळालं. एरवी टास्कदरम्यान एकमेकांना खडेबाल सुनावरे घरताली स्पर्धक पावसाच्या निमित्तानं तरी एकत्र आले, असं म्हणायला हरकत नाही.