पाहतात तर काय, घरातील एका खोलीत एक वाघिण आरामात बसली होती. तिला पाहताच घरातल्यांनी जीव मुठीत घेऊन बाहेर धाव घेतली. आणि शेजाऱ्यांना या घटनेची माहिती दिली. शेजाऱ्यांच्या मदतीने मध्यरात्री पोलिस अधिक्षक आणि वन संरक्षक अधिकाऱ्यांना बोलावण्यात आलं. वन संरक्षक टीमने वाघिणीला प्रथम कसे बसे घराबाहेर काढले. मग तिला जाळ्यात अडकवून अखेर पकडण्यात आले. यापूर्वी ही वाघिण पंडारी आणि बकैनिया गावाजवळ दिसल्याचे बरेली सर्कल येथील वन संरक्षक अधिकारी व्ही. के. सिंग यांनी सांगितले. त्यानंतर रविवारी तिच्या शोधमोहिमेसाठी दोन हत्तीही वन संरक्षक विभागातर्फे पाठविण्यात आले होते. मात्र ती वाघिण नजर चुकवून अचानक गायब झाली होती.
भोलेराम राहतात, त्या घरापासून एक रस्ता पीलीभीत येथील व्याघ्र प्रकल्पाच्या दिशेने जातो. हे अंतर साधारण ३ किमी. इतके असेल. तिथूनच रस्ता चुकून ही वाघिण गावात घुसली असावी अशी शंका व्यक्त केली जात आहे. मात्र या भागात वाघिण आढळल्याने आजूबाजूच्या लोकांमध्ये भीतीचे वातावरण आहे. यापूर्वी दियोहना पिपरिया गावातील शेतकरी राम औतार शेतात काम करून घरी परतत असताना त्यांच्यावर वाघाने हल्ला केल्याची घटना घडली होती. या हल्ल्यात ते गंभीर जखमी झाले होते. इतकेच नव्हे तर, आजूबाजूच्या परिसरात वाघांच्या हल्ल्यामुळे आतापर्यंत २० बळी गेले आहेत.