ब्रिटनमधील प्रशासनाने डॉक्टरांना देशातील पहिलेवहिले तिघांचे अपत्य निर्माण करण्यासाठी परवानगी दिली आहे. आईकडून अनुवांशिकरीत्या अपत्याला होणाऱ्या दुर्धर रोगांना प्रतिबंध करण्यासाठी डॉक्टरांकडून तिघांचे अपत्य निर्मिण्याची प्रक्रिया अवलंबण्यात येणार आहे.
ब्रिटनच्या आरोग्य विभागाअंतर्गत स्वतंत्रपणे काम करणाऱ्या ‘द ह्युमन फर्टिलायझेशन एम्ब्रायोलॉजी अॅथॉरिटी’ (एचएफईए) या संस्थेने या प्रक्रियेला मान्यता दिली. ईशान्य ब्रिटनमधील न्यू कॅसल शहरातील दोन महिलांवर ही प्रक्रिया करण्यात येणार आहे. तथापि, पालकांकडून या प्रक्रियेचा गैरवापर होऊ शकतो, अशी भीती या पद्धतीच्या टीकाकारांनी व्यक्त केली आहे. यापूर्वी मेक्सिकोमध्ये या पद्धतीची यशस्वीरीत्या चाचणी करण्यात आली आहे.