पोलिसांच्या माहितीनुसार. गव्हाणेवस्ती येथे महिला वसतीगृहात राहणाऱ्या भारती ठाकरे (वय ३१, मुळ गाव अमरावती) नामक तरुणीने साखरपुडा मोडल्याने आलेल्या नैराश्यातून आत्महत्या केल्याची माहिती भोसरी पोलिसांनी दिली आहे. भारती एका खासगी रुग्णालयात परिचारिका म्हणून काम करीत होती. भारतीचा साखरपुडा एक वर्षांपूर्वी झाला होता. तो काही दिवसापूर्वी मोडला. याच नैराश्यातून तिने दोन दिवसांपूर्वी वसतीगृहात गळफास घेऊन आत्महत्या केली. भारती एकटीच खोलीत राहत असल्याने तीने आत्महत्या केल्याचे कोणाच्या लक्षात आले नाही. भारतीचा मृतदेह हा कुजलेल्या अवस्थेत आढळला आहे.