मान्सूनमध्ये गळ्याचे स्वास्थ्य जपा. पावसाळी वातावरणात घशाशी संबंधित आजार बळावतात. त्यामुळे घसा कोरडा होणे, टॉन्सिल आणि घशाच्या इन्फेक्शनसह अनेक तक्रारी जाणवतात. पण पुढील सावधगिरी बाळगली तर आपल्याला वारंवार डॉक्टरकडे चकरा मारण्याची गरज पडणार नाही
पावसाळ्यात बाहेरील पदार्थांचे सेवन तसेच बर्फाचे पाणी पिणे टाळा. शक्यतोवर ताजे जेवण घ्या किंवा गरम करून खा. यामुळे इन्फेक्शनपासून तुमचा बचाव होईल. – डॉ. मेवालाल, बलरामपूर हॉस्पिटल
व्यक्तिगत सुरक्षा – बाथरूममधून आल्यानंतर, जेवणाच्यापूर्वी आणि शिंकल्यानंतर हात हॅन्डवॉशने धुवा.
कोल्ड ड्रिंक – पावसाळ्यात थंड पेय घेतल्यास गळ्याच्या इन्फेक्शनचा धोका वाढतो. त्यामुळे कोल्ड ड्रिंक टाळा.
आंबट फळे टाळा – आंबट फळांमधील अॅसिड गळ्याला नुकसान पोहोचवू शकते. त्यामुळे गळा खराब झाला असेल तर नींबू, संत्रा, स्ट्रॉबेरी ही फळे खाणे टाळायला हवीत.
थंड जेवण टाळा – अनेक व्यक्तींना फ्रीजमधून काढल्याबरोबर पदार्थ खाण्याची सवय असते. मान्सूनमध्ये या सवयीवर थोडे नियंत्रण ठेवा.
तंबाखू-धूम्रपान टाळा – आपण तंबाखू चघळणे किंवा धूम्रपान करीत असाल तर मान्सूनमध्ये टॉन्सिल्सचा आजार डोकेवर काढू शकतो.
यामुळे मिळेल आराम
मध – गळ्यात खवखव वाटत असेल तर एक चमचा मध प्या. त्यावर पाणी मुळीच पिऊ नका. कफ झाला असल्यासह आराम मिळेल. नींबू आणि मध मिसळून सेवन केल्यास अधिक आराम मिळेल.
कँडी – गळ्यात खरखर होत असेल तर कँडी सुद्धा ट्राय करायला हरकत नाही. गळ्याच्या खवखवसाठी मार्केटमध्ये अनेक कँडी उपलब्ध आहेत. त्यांचा वापर करून बघा. सुट झाली तर त्याचा निश्चित आराम मिळतो.
हर्बल टी – गळ्यात खवखव होत असेल तर आपल्याला हर्बल टी खूपच आराम देऊ शकते. हर्बल टीमुळे गळ्याच्या अनेक समस्या दूर होतात आणि त्याचे कोणते साइड इफेक्टही नाहीत.
सूप – सूप घेतल्यास गळा शेकला जाईल आणि शरीरातील पाण्याची कमतरताही दूर होईल.
हे टाळा
मिर्ची, काळी मिर्ची किंवा लवंग खाऊ नका.
ड्राय फ्रूट खाल्लयानेही गळ्याला त्रास होतो. खायचे असतील तर ते भिजवून खा.
सतत कॉफी पिल्यामुळे थोड्या वेळापुरता आराम जाणवतो पण पुन्हा त्रास सुरू होतो.