दिल्लीत पुन्हा निर्भया बलात्कार प्रकरणाची पुनरावृत्ती झाली आहे. शनिवारी मध्यरात्री गुडगाव येथे एका २२ वर्षीय तरूणीचे अपहरण करण्यात आले. त्यानंतर चालत्या कारमध्येच या तरूणीवर पाच तास सामूहिक बलात्कार करून तिला रस्त्यावर फेकून देण्यात आल्याची धक्कादायक घटना घडली आहे. या घटनेमुळे पुन्हा एकदा दिल्ली हादरून गेली आहे.
ही तरूणी मुळची सिक्कीमची रहिवाशी आहे. ती आपल्या मित्रांसह कनॉट प्लेसमध्ये फिरायला आली होती. तिचा मित्र शहादरा येथे राहतो. मित्राला भेटल्यानंतर दोघे एकत्र सिनेमाला गेले. रात्री १०.३०च्या सुमारास सिनेमाहॉलमधून बाहेर पडल्यानंतर दोघांनी एका रेस्टॉरंटमध्ये एकत्र डिनर केला. त्यानंतर रात्री उशिरा गुरगाव येथील घरी परतण्यासाठी तिने ओला कॅब बुक केली. तिचा मित्रही तिच्यासोबत होता. मध्यरात्री १.३० ते २ च्या दरम्यान गाडीतून उतरुन पीडित महिला घराच्या दिशेने चालली असताना अचानक पाठीमागून आलेल्या तिघाजणांनी तिला जबरदस्तीने स्विफ्ट डिझायर गाडीत कोंबले आणि चालत्या कारमध्येच तिच्यावर सामूहिक बलात्कार केला.
तिचा खून करणार होते…