प्रसिद्ध गायक अंकित तिवारी याची गुरुवारी सत्र न्यायालयाने बलात्काराच्या आरोपातून सुटका केली. लग्नाचे आमिष देऊन अंकित तिवारीने २०१२-१३ मध्ये आपल्यावर वारंवार बलात्कार केल्याचा आरोप एका मॉडेलने केला होता.
सुत्रांनी दिलेल्या माहितीनुसार, पीडिता न्यायालयात दोनदा साक्ष देण्यासाठी बोलवण्यात आले. दुसऱ्यांदा तिने साक्ष बदलल्याने वकिलांनी तिला ‘फितूर’ घोषित केले. तर ‘सरकारी वकिलांनी आरोप सिद्ध करण्यासाठी डॉक्टरांची साक्ष नोंदवली नाही. दोषारोपपत्रात ११ साक्षीदारांची नावे होती. परंतु, त्यापैकी चारच साक्षीदारांची साक्ष नोंदवण्यात आली,’ अशी माहिती तिवारीचे वकील रिझवान मर्चंट यांनी दिली.