साहित्य:
४ मध्यम कच्ची केळी
१ इंच आलं किसून
१/२ चमचा वाटलेली हिरवी मिरची
पाव वाटी चिरलेली कोथिंबीर
१ चमचा धनेजीरे पूड
१/४ चमचा चाट मसाला
१/४ चमचा गरम मसाला
१५-२० बेदाणे
१/२ वाटी ब्रेड क्रम्ब्ज
चवीपुरते मीठ
ब्रेडक्रम्ब्ज बाहेरून कोट करायला
कृती:
१) प्रत्येक केळ्याचे २ तुकडे करावेत. सालासकट कुकरमध्ये ३ शिट्ट्या करून शिजवून घ्यावेत. केळी शिजली की साल काढून आतला गर किसून घ्यावा.
२) किसलेल्या केळ्यात आलं, मिरची, कोथिंबीर, धनेजीरेपूड, चाट मसाला, गरम मसाला, १/२ वाटी ब्रेड क्रम्ब्ज आणि मीठ घालून मळून घ्यावे.
४) छोट्या लिंबाएवढे गोळे करावेत. आतमध्ये १-२ बेदाणे घालून कटलेट तयार करावेत. कटलेटना थोडासा पाण्याचा हात लावून ब्रेड क्रम्ब्जमध्ये घोळवावेत.
गरम तेलात मध्यम आचेवर तळून घ्यावेत.
हिरवी चटणी किंवा टॉमेटो केचपबरोबर सर्व्ह करावेत.
टीप:
१) ब्रेड क्रम्ब्ज ब्राऊन ब्रेड पासूनही बनवता येतो. ब्राऊन ब्रेड उन्हात वाळवून मिक्सरमध्ये बारीक करावे.