शाळेच्या बसला ट्रकची जोरदार धडक बसून भीषण अपघात झाला. या अपघातात दोन मुलांचा मृत्यू झाला असून अन्य चारजण जखमी असल्याचे वृत्त आहे. हा अपघात यवतमाळ जिल्हयामधील वडगाव फाटा येथे गुरूवारी सकाळी साडेसातच्या सुमारास झाला.
श्रद्धा हलके, कुमार देवुलकर या मुलांचा जागीच मृत्यू झाला. तर श्रुतिका ढोके, निशांत देवुलकर, प्रदीप हलके आणि हर्शल इंगोले हे जखमी झाले आहेत.
विद्यार्थ्यांना शाळेत घेऊन जात असतांना वडगाव फाटा वणी येथे या शालेय बसला ट्रकने जोरदार धडक दिली. या अपघातात दोन विद्यार्थ्यांचा जागीच मृत्यू झाला. तर बस चालकासह चार विद्यार्थी जखमी आहेत. जखमी झालेल्या विद्यार्थ्यांना उपचारासाठी जवळच्या रुग्णालयात दाखल करण्यात आले आहे.