दरम्यान अन्य गुन्ह्यांमध्ये काल शनिवारी चौघां बांगलादेशी नागरिकांना शिक्षा झाली होती. सावंतवाडी न्यायालयाच्या आवारातील स्वच्छतागृहात मोहम्मद शांती सलीम सरकार हा बांगलादेशी बाथरूमला गेला असताना बाथरूमच्या खिडकीतून पळाला होता. बांदा पोलिसांनी इन्सुली तपासणी नाक्यावर त्याला ताब्यात घेतले आणि त्याच्यावर गुन्हा दाखल केला. त्याने पोलिसांना पोलिसांच्या हातावर तुरी देऊन पळाल्याचा गुन्हा दाखल झाला आहे.
दरम्यान सावंतवाडी न्यायालयाने काल शनिवारी चार बांगलादेशी नागरिकांना शिक्षा सुनावली होती. भारतात बेकायदा वास्तव्यात राहत असलेल्या व्यक्तींचा पोलीस यंत्रणा शोध घेत असता २३ फेब्रुवारी रोजी बांदा बळवंतनगर येथे भाड्याने राहणाऱ्या सहा बांगलादेशी व्यक्ती आढळून आल्या होत्या त्यांच्याकडे भारतात येण्यासाठी, वास्तव्यात राहण्यासाठी आवश्यक कोणतेही कागदपत्रे मिळाले नव्हते. त्यामुळे पोलिसांनी मोहम्मद शांतो सलीम सरकार (२०) मोहम्मद रजो मोहम्मद शाहिद मुल्ला( २८), मोहम्मद रुबेल उर्फ आसादउल हारून खान (२६), मोहम्मद शाहिदुल उरमणीरूल हारून खान( २४), मोहम्मद अन्वर अब्दुल हाशिम अकोंड( ६५) व मोमताज बेगम मोहम्मद अन्वर अब्दुल हाशिम अकोंड (४६) या सहा बांगलादेशी विरुद्ध गुन्हा दाखल केला होता.
या गुन्ह्याची सावंतवाडी न्यायालयात सुनावणी झाली. या सहा बांगलादेशी नागरिकापैकी चौघांकडे भारतात वास्तव्यात राहण्याचा कोणताही पुरावा, पासपोर्ट आदी नसल्याचे सिद्ध झाल्याने न्यायालयाने चौघांना दोन वर्ष साधी कैद व प्रत्येकी सहा दहा हजार रुपये दंडची शिक्षा सुनावली होती.
सरकार पक्षातर्फे अँड धनश्री गोवेकर यांनी काम पाहिले तर मोहम्मद अन्वर अब्दुल हासीन अकोंड (६५) व मोमताज बेगम मोहम्मद अन्वर हासीन अकोंड (४६) या दोघांची न्यायालयाने निर्दोष मुक्तता केली. त्यांच्या वतीने अँड स्वप्निल कोलगावकर यांनी काम पाहिले.
