लोढा कासारिओ गोल्ड गृहसंकुलाच्या गेट जवळील आवारात एका श्वानाला ठोकर दिल्याने त्या श्वानाचा जागीच मृत्यू झाला आहे. याप्रकरणी एका महिलेने मानपाडा पोलीस ठाण्यात तक्रार केली असून पोलिसांनी गुन्हा दाखल करुन घेतला आहे. दरम्यान ही घटना सिसिटीव्ही कैद झाली आहे.
लोढा कासारिओ गोल्डमधील एक्झार्टिका संकुलात इंद्रजित या गृहिणी आपल्या कुटुंबासह राहतात. सोसायटीच्या आवारात आणि बाहेरील श्वानाना देखभाल, खाणे, लसीकरण नियमितपणे करतात. यातीलच एका श्वानचे इंद्रजित (२८) यांनी फ्लॅंटी ब्लॅन्की ठेवले होते. गुरुवारी याच परिसरात श्वानांच्या लसीकरणाचा कार्यक्रम सुरू होता. इद्रजित सुद्धा याच ठिकाणी होत्या.
लसीकरणाच्या ठिकाणी सोसायटीचा सुरक्षा रक्षक आला. त्याने इंद्रजित यांना आपल्या सोसायटीच्या तळमजल्याला असलेल्या वाहनतळाच्या ठिकाणी एमएच-४३-एएम-९०७० या वाहनाच्या चालकाने एक काळ्या श्वानाच्या पायावरुन वाहन नेले आणि वाहनाची श्वानाच्या पोटाला धडक बसल्याने पडला आहे, अशी माहिती दिली. इंद्रजित यांनी तात्काळ वाहनतळाच्या ठिकाणी जाऊन पाहिले तर पाळीव फ्लॅटी ब्लॅंन्की निपचित पडला असल्याचे दिसले.
श्वान प्रेमींनी तात्काळ फ्लॅंटी ब्लॅंन्की श्वानाला वाहनातून श्वानांच्या डॉक्टरकडे नेले. श्वानाची कोणतीही हालचाल होत नसल्याने आणि त्याला वाहनाची जोरदार धडक बसल्याने तो मरण पावला, असे डॉक्टरांनी प्राणी प्रेमींना सांगितले. दरम्यान या घटनेनंतर इंद्रजित यांनी सीसीटीव्ही फुटेज पाहिले. यात पांढऱ्या रंगच्या कारने श्वानाच्या अंगावरून गाडी नेल्याचे दिसले. नंतर लगेचच वाहनचालका विरुध्द मानपाडा पोलीस ठाण्यात तक्रार केली. पोलिसांनी त्या गाडी चालकाविरोधात गुन्हा दाखल केला आहे. मात्र, यावर पुढे काय कारवाई होणार हे पाहणं महत्त्वाचं आहे.