डहाणू नगरपरिषदेचे मुख्याधिकारी अतुल पिंपळे (वय, ३९) यांचे सोमवारी सकाळच्या सुमारास मुंबईच्या हिंदुजा रुग्णालयात हृदय विकाराने निधन झाले. त्यांच्या पश्चात पत्नी, मुलगी, आई, भाऊ असा परिवार आहे. ते पालघरच्या मासवण येथील मूळ रहिवासी होते.
डहाणू शहरातील निधी अपार्टमेंट येथील त्यांच्या निवासस्थानी ते शुक्रवारी रक्ताच्या थारोळ्यात आढळले होते. त्यांच्या डोक्याला इजा होऊन, मोठ्या प्रमाणात रक्तस्राव झाला होता. त्यांना डहाणूतील वेस्टकोर्स रुग्णालयात दाखल केले. त्यानंतर अधिक उपचारासाठी मुंबईतील हिंदुजा रुग्णालयात दाखल केले होते. त्यानंतर त्यांच्या प्रकृतीत सुधारणा झाल्याने लवकरच घरी सोडण्यात येणार होते. दरम्यान सोमवारी सकाळी हृदहायविकाराने त्यांचे निधन झाले. कर्तव्यनिष्ठ अधिकारी म्हणून त्यांची ओळख होती.