प्रधानमंत्री गरीब कल्याण योजनेंतर्गत कोल्हापूर जिल्हा मध्यवर्ती सहकारी बँकेकडील (केडीसीसी) ५३ हजार, ३११ महिलांच्या जनधन खात्यांवर सरकारकडून एप्रिल आणि मे महिन्याचे पाचशे रुपयांप्रमाणे एक हजार रुपये जमा झले आहेत. बँकेतून पैसे काढण्यासाठी बँकेने दिवस आणि वेळापत्रक आखून दिले असून त्यानुसारच रक्कम काढता येईल, अशी माहिती अग्रणी जिल्हा प्रबंधक राहुल माने आणि जिल्हा बँकेचे मुख्य कार्यकारी अधिकारी डॉ. अशोक माने यांनी दिली.
बँकेच्या शाखांमध्ये गर्दी होऊ नये वेळापत्रक तयार केले आहे खातेक्रमांकाच्या शेवटच्या क्रमांकानुसार वेळापत्रक केले आहे. त्यानुसार महिलांना दिलेल्या क्रमांकानुसार बँकेतून पैसे काढता येणार आहे. एटीएम कार्डद्वारेही पैसे काढता येणार आहेत. महिलांनी बँकेत गर्दी करू नये, असे आवाहनही करण्यात आले आहे. तसेच जमा झालेली रक्कम खात्यावर सुरक्षित राहणार आहे, असेही बँकेने कळवले आहे.
बँकेचे वेळापत्रक असे
दिनांक शेवटचा खाते क्रमांक
१३ मे ४ आणि ५
१४ मे ६ आणि ७
१५ मे ८ आणि ९