उत्तर प्रदेशातील बरेली जिल्ह्यात मंगळावारी रात्री एकाने गळफास घेत आत्महत्या केली. आत्महत्येपूर्वी या व्यक्तीनं फेसबुकवर लाइव्ह केल्याची माहिती समोर आली आहे.
शिवम सिंह तोमर उर्फ अंकित असं आत्महत्या केलेल्या व्यक्तीचं नाव असून गेल्या काही दिवसांपासून त्याची पत्नी जूही हिच्यासोबत वाद सुरू असल्याचंही समजतं. दोघांमध्ये कडाक्याचं भांडण झाल्याने जूही तिच्या माहेरी निघून गेली होती. त्यामुळे शिवम नाराज झाला होता.
शिवमने आपल्या एसडीएम कॉलनीतील राहत्या घरी आत्महत्येची तयारी करत असल्याचा फेसबुकवर लाइव्ह डेमो दिला. त्यानंतर शिवमनं गळफास घेऊन आत्महत्या केली. या घटनेची तक्रार जवळच्या पोलीस ठाण्यात दाखल करण्यात आली असून गुन्ह्याची नोंद करण्यात आली आहे. पोलिसांच्या माहितीनुसार, या प्रकरणी भारतीय दंडविधान ३०६ नुसार गुन्ह्याची नोंद करण्यात आली आहे. जूही माहेरी गेल्यानंतर शिवम फोनवरुन तिच्याशी संपर्क साधण्याचा प्रयत्न करत होता. पण जूहीने कोणताही प्रतिसाद दिला नव्हता, अशी माहितीही समोर आली आहे.