अफगाणिस्तानच्या मिलिटरी अॅकेडमीजवळ आत्मघाती बॉम्ब हल्ला झाला. या हल्ल्यात सहा जण ठार झाले आहेत. यामध्ये चौघे जण लष्करी जवान असून दोन नागरिकांचा समावेश आहे.
या हल्ल्याची अद्याप कोणत्याही दहशतवादी संघटनेने जबाबदारी स्विकारली नाही. मात्र, हा हल्ला तालिबानने केला असल्याचा संशय व्यक्त करण्यात येत आहे. सकाळी सात वाजण्याच्या सुमारास हा हल्ला झाला. मिलिटरी अॅकेडमीच्या प्रवेशद्वाराजवळ असणाऱ्या पोलीस चेकपॉईंटजवळ हा आत्मघातकी बॉम्ब हल्ला झाला असल्याची माहिती अफगाण सरकारच्यावतीने देण्यात आली याआधी नोव्हेंबर महिन्यात काबूलमध्ये मोठा हल्ला करण्यात आला होता. यामध्ये १२ जणांचा मृत्यू झाला होता. मिलिटरी अॅकेडमीवर यापूर्वीही हल्ला करण्याचे प्रयत्न झाले आहेत. मागील वर्षी मे महिन्यात इस्लामिक स्टेटच्या दहशतवाद्यांनी हल्ल्याचा प्रयत्न केला होता.