उस्मानाबाद जिल्ह्यातील भाजपचे ज्येष्ठ नेते शिवाजीराव चालुक्य (वय ६७) यांचे गुरुवारी सकाळी हृदयविकाराच्या धक्क्याने निधन झाले. त्यांच्या पार्थिवावर शुक्रवारी मूळज या त्यांच्या मूळगावी अंत्यसंस्कार करण्यात आले. त्यांच्या पश्चात पत्नी, दोन मुले, एक मुलगी, पाच बहिणी, सूना, नातवंडे व जावई असा परिवार आहे. त्यांनी शिवशक्ती सहकारी साखर कारखान्याचे अध्यक्षपद, जिल्हा मजूर फेडरेशनचे अध्यक्षपद यासह किल्लारी सहकारी साखर कारखान्याचे उपाध्यक्ष व उस्मानाबाद जिल्हा बँकेचे उपाध्यक्ष म्हणून काम पाहिले होते. माजी खासदार रूपाताई पाटील-निलंगेकर यांचे ते बंधू तर माजी मंत्री संभाजीराव पाटील-निलंगेकर यांचे ते मामा होत.