पुणे-बेंगळुरू महामार्गावर सांगली फाटा येथे झालेल्या भीषण अपघातात एका महिलेचा मृत्यू झाला आहे. तर या अपघातात ३ जण जखमी आहेत. जखमींना सीपीआर हॉस्पिटलमध्ये दाखल करण्यात आले आहे. भरधाव कार आणि ट्रॅक्टरची टक्कर झाल्याने हा अपघात झाला.
भरधाव वेगात असलेल्या कारने ट्रॅक्टर ट्रॉलीला पाठिमागून जोराची धडक दिली. हा अपघात मध्यरात्रीनंतर पावणे दोनच्या सुमारास झाला.
कारमधील सर्व प्रवासी हे इचलकरंजीला जात होते अशी माहिती मिळत आहे. अपघातात मृत्यू पावलेल्या, तसेच जखमी असलेल्यांची नावे कळू शकली नाहीत. मात्र, चालकाचे नाव वैभव अनंत बडबडे असल्याचे पोलिसांनी सांगितले.