माटुंगा-मुलुंड धीम्या मार्गावर आणि पनवेल-वाशी मार्गावर मध्य रेल्वेने मेगाब्लॉक घोषित केला आहे. ठाणे स्थानकातील पादचारी पूल पाडण्यासाठी ११-१२ जानेवारीच्या मध्यरात्री विशेष ब्लॉक घेण्यात येणार आहे. रविवारी असलेल्या मेगाब्लॉकमुळे लोकलफेऱ्या सुमारे २० मिनिटे विलंबाने धावणार आहेत. माहीम आणि वांद्रे स्थानकात रात्रकालीन ब्लॉक असल्याने रविवारी दिवसा पश्चिम रेल्वेवर कोणताही ब्लॉक असणार नाही.
मार्ग : डाऊन धीमा
वेळ : स. ११.२० ते दु. ३.५० वा.
परिणाम : ब्लॉकदरम्यान धीम्या मार्गावरील लोकलफेऱ्या जलद मार्गावर वळवण्यात येतील. यामुळे विद्याविहार आणि कांजुरमार्ग स्थानकावर लोकल थांबणार नाहीत. यामुळे काही लोकलफेऱ्या रद्द राहणार असून, काही सुमारे २० मिनिटे विलंबाने धावतील.
हार्बर रेल्वे
स्थानक : पनवेल-वाशी
मार्ग : अप आणि डाऊन
वेळ : स. ११.३० ते दु. ४ वा.
परिणाम : ब्लॉकवेळात सीएसएमटी-पनवेल/बेलापूर मार्गावरील अप डाऊन लोकलफेऱ्या बंद राहतील. ठाणे-बेलापूर/पनवेल मार्ग आणि खारकोपर-नेरुळ/बेलापूर मार्गावरील लोकल फेऱ्या बंद राहतील. ब्लॉकदरम्यान सीएसएमटी-वाशी आणि ठाणे-वाशी लोकलफेऱ्या सुरू राहतील.
पूल पाडण्यासाठी ब्लॉक (शनिवार-रविवार)
स्थानक : मुलुंड-कळवा
मार्ग : डाऊन धीमा
वेळ : मध्यरात्री १२.१५ ते पहाटे ५.१५ वा.
परिणाम : शनिवार रात्री ११.१० नंतर सीएसएमटीतून सुटणाऱ्या सर्व लोकलफेऱ्या मुलुंड ते कळवादरम्यान जलद मार्गावर वळवण्यात येतील. रात्री ११.३०नंतर कल्याणहून ‘सीएसएमटी’साठी रवाना होणाऱ्या लोकल दिवा-मुलुंडदरम्यान अप जलद मार्गावर वळवण्यात येतील.