सतत मोबाइलवर गाणे वाजविण्यावरून दोन सख्ख्या भावांमध्ये वाद झाला. लहान भाऊ ऐकतच नसल्याने रागाच्या भरात मोठ्या भावाने त्याच्या पोटात चाकू भोसकला. ही घटना प्रतापनगर पोलिस ठाण्याच्या हद्यीतील सिंधी कॉलनी, खामला परिसरात घडली. विनोद देवीदास धनवानी असे या प्रकरणातील फिर्यादीचे नाव आहे. या प्रकरणातील आरोपी चेतन गौतम भट (३१) आणि त्याचा लहान भाऊ पीयूष गौतम भट (२५) हे दोघे त्यांच्याकडे भाड्याने राहत होते. दोघांमध्ये मोबाइलवर गाणे वाजविण्याच्या कारणावरून भांडण झाले. रागाच्या भरात चेतनने पीयूषच्या पोटात चाकूने वार केले. या प्रकरणी पोलिसांनी चेतनवर मारहाणीचा गुन्हा दाखल केला आहे.