आंतरराष्ट्रीय योग दिनानिमित्त काश्मीरपासून कन्याकुमारीपर्यंत देशभर सर्वत्र योगासने केली जात आहेत. लडाखमध्ये -२० डिग्रीच्या तापमाना इंडो तिबेटीयन बॉर्डर पोलीस दलाच्या जवानांनी योगासनं केली आहेत .तर आयएनएस सुमेधा आणि आयएनएस सिंधुध्वज या पानबुड्यांवर नौदलांच्या जवानांनी योगासनं केली आहेत. सैन्यदलातील प्रशिक्षित श्वानांनी केलेली योगासनं योग दिवसाचा आकर्षण ठरले असून या श्वानांचा व्हिडिओ सोशल मीडियावर व्हायरल झाला आहे.
२०१५पासून वर्षांतील सर्वात मोठा दिवस- ‘२१ जून’ आंतरराष्ट्रीय योग दिवस म्हणून साजरा केला जातो. यादिवशी फक्त राजकीय नेत्यांनी आणि सेलिब्रिटीनींच नाही तर पोलीस दल, सुरक्षा दलातील जवानांनी, अधिकाऱ्यांनी आणि सामान्य जनतेनेही मोठ्या प्रमाणात योगासनं केली आहेत. काश्मीरपासून कन्याकुमारीपर्यंत संपूर्ण देश योगमय झाला आहे. लडाखमध्ये अनेक ठिकाणी गोठवणाऱ्या थंडीत सुरक्षा दलातील जवानांनी सकाळी लवकर उठून योगासनं केली.
सैन्यदलातील श्वान पथकांनेही त्यांच्या प्रशिक्षकांसोबत योगासनं केली आहेत. श्वानांचे योग करतानाचे व्हिडिओ व्हायरल झाले आहेत. हरयाणा येथे सैन्यदलातील घोडेस्वारांच्या पथकानेही योगासनं केली आहेत. देशभरातील छोट्या शहरांमध्ये, महानगरांमध्ये योगप्रेमींनी सामान्यांनी एकत्र येऊन योगासनं केली. पंतप्रधान नरेंद्र मोदींनी आज झारखंडमधील रांची येथे योगासनं केली. यावेळी २५,००० लोकं उपस्थित होते.
ह्रदयासाठी योग करा: मोदी