अवघा देश निवडणुकीच्या प्रचारात व्यस्त असताना मुंबईपासून हाकेच्या अंतरावर असलेल्या विरार परिसरात इयत्ता ९वीत शिकणाऱ्या मुलीवर झालेल्या सामूहिक बलात्काराच्या घटनेने खळबळ उडाली आहे. ही १५ वर्षीय पीडित मुलगी घटना घडली तेव्हा आपल्या मित्रासोबत होती. दोघे निर्जन स्थळी पोहोचल्याचे हेरून दोन लोकांनी तिच्या मित्रासह मुलीला
पीडित मुलीच्या वडिलांनी बुधवारी विरार पोलीस ठाण्यात तक्रार दाखल केली. या तक्रारीनुसार, ही घटना सोमवारी रात्री ८ वाजण्याच्या सुमारास घडली. त्यावेळी पीडित मुलगी आपल्या नातेवाईकांच्या घरी जात होती. त्यावेळी रस्त्यात तिचा शाळेतील मित्र (१६) तिला भेटला. त्यावेळी तिथे दोन लोक आले. त्यांपैकी एक जाड, तर दुसरा किरकोळ बांध्याचा होता. दोघांनी त्यांना शाळेच्या मागील परिसरात एका उजाड जागेवर खेचत नेले.
बलात्कारानंतर जीवे मारण्याची धमकी
पीडित मुलीचा मित्र किशोर याने पोलिसांना दिलेल्या जबाबानुसार, दोघांनी किशोरला एका झाडाला बांधले आणि आरडाओरडा केल्यास ठार मारण्यात येईल अशी धमकी दिली. त्यानंतर दोघांनी पीडित मुलीला झाडीच्या मागे नेले आणि तिथे तिच्यावर बलात्कार केले.
त्यानंतर तशाच स्थितीत सोडून आरोपी निघून गेले. पीडित मुलगी कशीबशी झाडीच्या मागून बाहेर आली. तिने झाडाला बांधून ठेवलेल्या आपल्या मित्राला सोडवले. घरी आल्यानंतर तिने आपल्या आई-वडिलांना घडलेली हकिकत सांगितली. मित्राच्या घरी घडलेला प्रकार सांगितल्यानंतर मग तिच्या कुटुंबीयांनी मंगळवारी पोलिसात तक्रार दाखल केली.
परिसरातील रिक्षा चालकांची चौकशी
पोलिसांनी अज्ञातांविरोधात सामूहिक बलात्कार, आयपीसी आणि पॉक्सो कायद्यांतर्गत विविध कलमांखाली गुन्हा नोंदवला आहे. पीडित मुलीने पोलिसांना दिलेल्या माहितीनुसार, दोन्ही आरोपींनी ऑटो रिक्षा चालक घालतात त्या रंगाची पँट घातली होती. त्यांपैकी एकाच्या पँटीला त्रिकोणी रंगाचा बिल्लाही लटकलेला होता. मात्र, दोघांकडे कोणतीही गाडी नव्हती.
पोलिसांनी किशोरने दिलेल्या माहितीवरून परिसरातील रिक्षा चालकांची चौकशी सुरू केली आहे. पीडित मुलगी आणि तिच्या मित्राला वैद्यकीय तपासणीसाठी पाठवण्यात आले आहे.