टिटवाळ्यानजीक असलेल्या खडवली येथे बाप-लेकीच्या नात्याला काळिमा फासणारी घटना घडली आहे. जन्मदात्या पित्याने नऊ वर्षांच्या चिमुकलीवर बलात्कार केल्याची घटना उघडकीस आली असून याप्रकरणी टिटवाळा पोलिस स्थानकात या नराधमाविरोधात गुन्हा दाखल करण्यात आली आहे. टिटवाळा पोलिसांनी या नराधमाला अटक करून न्यायालयात हजर केले असता न्यायालयाने त्याला पाच दिवसांची पोलिस कोठडी सुनावली आहे.
कल्याण तालुक्यातील टिटवाळानजीक असलेल्या खडवली येथील पाण्याच्या टाकीच्या परिसरात राहणाऱ्या या नराधमाने शनिवारी आपली छोटी मुलगी झोपल्याची संधी साधत या नराधमाने नऊ वर्षांच्या चिमुकलीवर बलात्कार केला. वेदना असह्य झाल्याने या मुलीने घडला प्रकार आपल्या आईला सांगितला. संतापलेल्या या माऊलीने थेट टिटवाळा पोलिस स्थानक गाठत घडल्या घृणास्पद प्रकाराबाबत तक्रार नोंदवली. या तक्रारीनुसार पोलिसानी बापाला अटक केली.