बिग बॉसच्या घरातील टास्क आणि त्यादरम्यान होणारी मजा मस्ती नेहमीच चर्चेचा विषय ठरत असते. कालच्या एपिसोडमध्ये अशाच एका टास्कची घोषणा बिग बॉसनं केली. या टास्कचं नाव आहे ‘थत्तेगिरी’ असं होतं. अनिल थत्ते यांची पत्रकारिता क्षेत्रातील कामगिरी आणि अनुभव लक्षात घेता बिग बॉस यांनी अनिल थत्ते यांना हे कार्य सोपावलं होतं. या टास्कनुसार ‘थत्तेगिरी’ या टॉक शो मध्ये अनिल यांनी काही स्पर्धकांना प्रश्न विचारून स्पर्धकांनी स्वत:चा दृष्टीकोन मांडला.
या टॉक शोमध्ये अनिल थत्ते यांनी मेघा, रेशम,आस्ताद, सई आणि उषा यांना बोलतं केलं. काही दिवसांपुर्वी घरातील मंडळींमध्ये झालेला गैरसमज या टास्कमुळं कमी झाल्याचं पाहायला मिळालं. असं असलं तरी या टास्कनंतर सई, पुष्कर आणि उषा हे तिघंही गॉसिप करताना दिसले.
या नंतरचा काय टास्क असेल याची उत्सुकता स्पर्धकांसोबतच प्रेक्षकांना देखील आहे. सध्या बिग बॉसच्या घरात कर्णधार पदाची धुरा मेघाच्या हातात असल्यानं घरात काय घडामोडी घडतात याची चर्चा होतात दिसतेय.