अतिरिक्त रक्तस्त्राव, कमी होत जाणारे हिमोग्लोबिन, पाळीच्या वेळी वेदना या लक्षणांकडे दुर्लक्ष केल्याने एका महिलेच्या गर्भपिशवीत तब्बल पावणे तीन किलो वजनाची फायब्रॉइडची गाठ आढळली. पालिकेच्या कूपर रुग्णालयामध्ये या ३६ वर्षीय महिलेवर शस्त्रक्रिया करून ही गाठ काढून टाकण्यात आली. आता या महिला रुग्णांची प्रकृती स्थिर आहे.
काही दिवसांपूर्वी कूपर रुग्णालयाच्या बाह्य रुग्ण विभागात ही महिला पोटदुखी व रक्तस्रावासंदर्भात तक्रार घेऊन आली होती. दोन मुले असलेल्या या महिलेचे पोट हे सात महिन्याच्या गर्भवतीप्रमाणे दिसत होते. तपासणी केल्यानंतर तिच्या गर्भपिशवीत गाठ आढळून आली. महिलेच्या जिवाला धोका लक्षात घेऊन डॉ. गणेश शिंदे व डॉ. गणेश शिंदे, डॉ. हेमलता कुहिते, डॉ. हेमा रेलवानी, डॉ. नेही पारिख यांच्या टीमने ही शस्त्रक्रिया केली.