जिल्ह्याच्या तळोधी वनपरिक्षेत्रातील नेरी -चिमूर रस्त्यावरील शिवारात कापूस वेचणीसाठी गेलेल्या एका महिलेवर वाघाने मागून येऊन हल्ला चढविल्याची घटना येथे शनिवारी सकाळी साडेनऊच्या सुमारास घडली. नम्रता राजेश पिसे (३५) असे या जखमी महिलेचे नाव आहे. तिला चिमूर येथील ग्रामीण रुग्णालयात दाखल केले आहे. वाघाने तिच्या मानेवर व पाठीवर गंभीर जखमा केल्या आहेत. हा वाघ शिवारातच असल्याचे गावकऱ्यांकडून सांगितले जाते आहे. या घटनेमुळे गावकऱ्यांमध्ये भीतीचे वातावरण आहे.