ओंकार बबन ढगे (वय २०, रा. चंद्रभागानगर, आंबेगाव बुद्रुक) असे अटक केलेल्याचे नाव आहे. याबाबत गौसपाट होटगी याने तक्रार दिली आहे. गौसपाट होटगी हा भारती विद्यापीठमध्ये इंजिनीअरिंग करत आहे, तर ओंकारचे ग्राफिक्स डिझाइन झाले असून शनिवारवाड्याजवळ एका इंस्टिट्यूटमध्ये त्याचे प्रशिक्षण सुरू आहे. सहा महिन्यांपासून हे दोघे एका रूममध्ये रहात होते. नळ चालू ठेवला, आवाज केला, दार लावले नाही, अशा किरकोळ कारणांवरून त्याचे रूमपार्टनरसोबत कायम वाद होत. त्याचा बदला घेण्यासाठी त्याने डिसेंबर महिन्यात रूमपार्टनरचा लॅपटॉप चोरला. त्यानंतर जानेवारी महिन्यात कॅमेरा आणि मोबाइल लंपास केला. रूममधून एक-एक वस्तू गायब होत असल्याने होटगी याने भारती विद्यापीठ पोलिसांकडे तक्रार दिली. या प्रकरणाचा तपास वरिष्ठ निरीक्षक कमलाकर ताकवले, उपनिरीक्षक दत्ताजीराव मोहिते यांच्या पथकाने सुरू केला. ओंकार ढगे हा लॅपटॉप विक्रीसाठी जात असून दत्तनगर येथे येणार असल्याची माहिती कर्मचारी सर्फराज देशमुख यांना मिळाली. त्यानुसार अमोल पवार, उज्ज्वल मोकाशी, कुंदन शिंदे, अभिजीत रत्नपारखी यांच्या पथकाने सापळा रचून त्याला अटक केली.
रुमपार्टनरसोबत भांडण झाले अन् चोरल्या वस्तू
रूमपार्टनर भांडण करत असल्याचा किरकोळ कारणावरून त्याचा लॅपटॉप, कॅमेरा, मोबाइल चोरल्याचा प्रकार समोर आला आहे. चोरीच्या वस्तू विक्री करण्याच्या तयारीत असताना भारती विद्यापीठ पोलिसांनी आरोपीला अटक केली आहे. त्याच्याकडून एक लाख ३० हजार रुपयांचा ऐवज जप्त केला आहे.