मुंबई- हैदराबादला जाणा-या लक्झरी बसला पुणे-सोलापूर राष्ट्रीय महामार्गावर इंदापूरजवळ भीषण अपघात झाला आहे. या दुर्दैवी घटनेत ४ जणांचा जागीच मृत्यू झाला असून १३ जण जखमी झाले आहेत, त्यापैकी तिघांची प्रकृती गंभीर आहे. हैदराबादवरुन मुंबईला येणाऱ्या लक्झरी बसला आज पहाटे पाच वाजता इंदापूरजवळील पायल धाबा परिसरात हा अपघात झाला आहे. एम्पायर ट्रॅव्हल्सची ही बस असून जखमींवर इंदापूरच्या उपजिल्हा रुग्णालयात उपचार सुरु आहेत. पोलिस घटनास्थळी दाखल झाले असून पुढील तपास सुरू आहे. मात्र अद्याप मृतांची ओळख पटू शकलेली नाही.
मुंबई-हैदराबाद लक्झरी बसला भीषण अपघात, ४ ठार
