संस्कारी बाबूजी फेम प्रसिद्ध अभिनेते अलोक नाथ यांच्या मुलाने काल मध्यरात्री असंस्कारी कारनामा केला आहे. त्याच्यावर मुंबई पोलिसांनी ड्रंक अॅण्ड ड्राईव्हची कारवाई केली आहे.
अलोक नाथ यांचा मुलगा शिवांग रात्री आपल्या मैत्रिणीच्या बर्थ डे पार्टीतून परतत होता. याचवेळी खार पोलिसांनी त्यांची गाडी थांबवण्याचा प्रयत्न केला. पण, गाडी थांबवण्याऐवजी शिवांगनं ती आणखी वेगात पळवायला सुरुवात केली. पण, पोलिसांनी त्याला सांताक्रुझ भागात अडवलं. तिथंही मद्यधुंद शिवांग आणि त्याच्या मित्रानं पोलिसांशी हुज्जत घालायला सुरुवात केली.
दरम्यान, पोलिसांनी शिवांगची गाडी जप्त केली असून त्याला 2600 रुपयांचा दंडही ठोठावण्यात आला आहे. आज सकाळी 10 वाजता त्याच्यासह सर्व मित्रांनी वांद्रे न्यायालयात हजर केलं जाणार आहे.