मध्य प्रदेशातील ग्वाल्हेरमध्ये एक संतापजनक घटना घडली. एका वृद्ध महिलेवर मिठाई विक्रेत्याने आणि त्याच्या साथीदाराने बलात्कार केला. त्यापूर्वी तिला बेदम मारहाण केली. मारहाण केल्यानंतर जंगल परिसरात नेऊन तिच्यावर बलात्कार केला. तिच्या अंगावर दुचाकी घातली आणि तिला जीवे मारण्याचा प्रयत्न केला. यात तिच्या पायाला दुखापत झाली आहे. महिलेला उपचारासाठी ग्वाल्हेरच्या ट्रॉमा केअर सेंटरमध्ये दाखल करण्यात आले. मुख्य आरोपीला पोलिसांनी अटक केली आहे.
गिरवाई परिसरात एका ६२ वर्षीय महिलेवर मिठाई विक्रेत्याने आणि त्याच्या साथीदाराने बलात्कार केला. एका कार्यक्रमात कामासाठी तिला बोलावले. त्यानंतर तिला जंगल परिसरात नेऊन तिच्यावर बलात्कार केला. महिला जखमी अवस्थेत आढळून आल्यानंतर स्थानिकांनी याबाबत पोलिसांना माहिती दिली.
आपागंज येथील कल्लू उर्फ दिलीप नावाच्या मिठाई विक्रेत्याला एका कार्यक्रमात जेवण तयार करण्याचे काम मिळाले. त्यासाठी एका महिलेचीही गरज होती. त्याने पीडित वृद्धेला बोलावले. त्याने तिला गिरवाई टेकडीवर नेले. त्याच्यासोबत त्याचा साथीदारही होता. दोघांनी पीडितेवर बळजबरी करण्याचा प्रयत्न केला. तिने प्रतिकार केला. त्याने तिच्यावर अत्याचार केले. तसेच जीवे मारण्याच्या उद्देशाने तिच्या अंगावरून दुचाकी नेली. यात तिच्या पायाला दुखापत झाली आहे. या घटनेची माहिती मिळताच, गिरवाई पोलीस घटनास्थळी पोहोचले. वृद्धेने घडलेली सर्व हकिकत पोलिसांना सांगितली. तिला उपचारासाठी ट्रॉमा केअर सेंटरमध्ये नेण्यात आले. पोलिसांनी तात्काळ कारवाई करून मुख्य आरोपीला अटक केली. या घटनेतील दुसरा आरोपी पसार आहे. त्याचा शोध घेण्यात येत आहे.